హీరోలంతా అంతా జీరోలే’

ఆర్జీవీ వరుస ట్వీట్లు

వైఎస్‌ జగన్‌ను చూసి ఆశ్చర్యపోయా.. హీరోలంతా అంతా జీరోలే’..అంటూ తాజాగా సంచలన దర్శకుడు రామ్‌ గోపాల్‌ వర్మ చేసిన ట్వీట్స్‌ ఇప్పుడు నెట్టింట వైరల్‌గా మారాయి. ఏపీ సీఎం వై ఎస్‌ జగన్మోహన్‌ రెడ్డితో చిరంజీవి బృందం ఇటీవల చిత్ర పరిశ్రమలో ఉన్న అనేక సమస్యలపై చర్చలు జరిపిన సంగతి తెలిసిందే. అయితే, ఈ సమావేశంపై సంచలన దర్శకుడు రామ్‌ గోపాల్‌ వర్మ సోషల్‌ విూడియా వేదికగా సెటైరికల్‌గా ట్వీట్స్‌ చేస్తూనే ఉన్నారు. వరుస ట్వీట్లతో సమాశంలో పాల్గొన్న సినీ ప్రముఖులను కామెంట్స్‌ చేస్తున్నారు. ఈ క్రమంలోనే తాజాగా వర్మ ’హీరోస్‌ ఆర్‌ జీరోస్‌’ అంటూ చేసిన పలు వివాదాస్పద వ్యాఖ్యలను అభిమానులు, నెటిజన్లు ఖండిస్తున్నారు. అతి సాధారణ ప్రజాప్రతినిధిగా వైఎస్‌ జగన్‌ , పేర్ని నాని, సూపర్‌.. మెగా, బాహుబలి స్టార్స్‌ అందరికంటే చాలా పెద్ద స్టార్స్‌గా కనిపిస్తున్నారు. ఎందుకంటే భిక్షాటన చేసే రీల్‌ స్టార్స్‌ సూపర్‌ ఆరాధన ట్వీట్స్‌ పెట్టారు. రియల్‌ స్టార్స్‌ వైఎస్‌ జగన్‌, పేర్ని నాని ట్వీట్‌ చేయడానికి ఇబ్బంది లేదు. మహేష్‌, చిరంజీవి, ప్రభాస్‌ మొదలైనవారు జూనియర్‌ ఆర్టిస్టుల లాగా  ఒమెగా స్టార్‌ చుట్టూ ఎందుకు కూర్చున్నారు. దీన్నిబట్టి వైఎస్‌ జగన్‌ నిజమైన మెగా సూపర్‌ డూపర్‌ ఓ మెగా స్టార్‌ అని ప్రూవ్‌ అయింది. రీల్‌ లైఫ్‌లో మహేష్‌, చిరు, ప్రభాస్‌ కాంటి వారు ఫ్రేమ్‌ మధ్యలో ఉండి పంచ్‌ డైలాగ్స్‌ ఇస్తూ ఉంటారు. నిజ జీవితంలో వైఎస్‌ జగన్‌ ఫ్రేమ్‌ మధ్యలో వాళ్లు భయపడ్డారు. భిక్ష కోసం జూనియర్‌ ఆర్టిస్టుల్లా వేడుకున్నారు. వైఎస్‌ జగన్‌ అప్పర్‌ ఆఫ్‌ అండర్‌ స్టార్స్‌ను బహిర్గతం చేశారు. గౌరవనీయులైన ముఖ్యమంత్రి ఒమేగా స్టార్‌ వైఎస్‌ జగన్‌ను చూసి నేను ఆశ్చర్యపోయాను. ఎందుకంటే సూపర్‌ మెగా స్టార్స్‌ అందరూ ఒకే వరుసలో.. ’హీరోస్‌ ఆర్‌ జీరోస్‌’లాగా అని ఆయన నిరూపించారు. ప్రస్తుతం ఈ ట్వీట్స్‌ సోషల్‌ విూడియాలో వైరల్‌ అవుతూ హాట్‌ టాపిక్‌ అవుతున్నాయి.